Magouri Kerbihan
www.babigoubreizh.bzh

Mont en-dro

Digor eo ar vikromagouri adalek al Lun betek ar Gwener etre 7e30 vintin ha 6e30 noz. Peurvat eo bet savet al lec'h degemer-mañ evit ar vugale etre 2 viz hanter ha 4 bloaz. Bevañ a ra ar vugale bemdez en ur bed divyezhek, peogwir eo ar brezhoneg yezh an daremprediñ. Tout an dud a vicher a ra war-dro ar vugale zo diplomet war ar vugaligoù ha barrek war ar brezhoneg war un dro.

Gratadur he deus ar vagouri gant Kef ar Goproù Familh, Ajañs-rannvro ar Yec'hed ha Gwarez ar Mammoù hag ar Vugaligoù. Ar feur prizioù goulennet zo diouzh ar gwezhiader familh p'he deus sinet ar vagouri Pourchas Servij Unan Kef ar Goproù Familh.
Degemeret e c'hall bout ar vugale pe en ur mod ingal diouzh kontrad (gant ur c'hontrad a resisa an deizioù hag an eurioù bezañs dre sizhun), pe a-wezhiadoù (diouzh ar plasoù vak er vagouri hag ezhommoù ar familhoù).
Evit goût hiroc'h diwar-benn ar plasoù a chom, sellit ouzh ar rubrikenn "Darempredoù".

Digor eo al lec'h da tout ar familhoù, ne vern peseurt yezh a vez komzet er gêr. Evit skoazellañ ar familhoù evit a sell an divyezhegezh ec'h aoz ar skipailh abadennoù plijadurus evit tañva ar brezhoneg. Evel-se e c'hall ar gerent en em zibab un tamm evit krog da ziviz gant o bugale.

Hervez an emglev zo bet gant Kef Goproù-Familh ar Morbihan e c'hall bout degemeret ar vugale na fell ket d'o zud e vefe komzet brezhoneg gante end-eeun.

Ar skipailh zo 5 den diplomet e-barzh ennañ :
un den e karg (desaverez bugaligoù),
3 animatourez divyezhek (3 titlet gant ur Sertifikad Gouested Vicherel bugaligoù),
hag ur wazourez teknikel (titlet gant ur Breved Studi Vicherel yec'hed ha sokial).


Gwenael
den e karg

Brigitte
gwazourez teknik

Camille
animatourez

Magalie
animatourez
Roz%C3%A9lenn.jpgRozélenn
animatourez

 

Meur a lec'h

En ur savadur nevez-flamm en annez Kerbihan emañ ar vagouri, e karter Koulev a zo e Mervent Gwened.


Ar gegin akipet


Ar c'horn-debriñ


Ar sal-vuhez



Ar c'horn-tresañ


Ar jardrin


Ur gambr



Korn ar babigoù


Ar gerent er jeu

Meur a zen kar a volontez vat zo er jeu e buhez ar gevredigezh hag ar vagouri, pe e vefe evit roiñ un taol-lañs, peotramant evit diorren ar gevredigezh.

 

Testenioù
 
" … lure am boa bet pa oa en em gavet ma merc'h en ur vagouri divyezhek, aon am boa ne'm bije ket gallet daremprediñ ganti kement (...) Erfin on gwall blijet gant an divyezhegezh, gant al lec'h kenkoulz evel gant ar skipailh. Dalc'hmat e vez prest ar skipailh a vicher da sikour ac'hanon evit kompren gerioù zo. "
 
Mamm Luciana
 
 
" Anavet en deus Johann ar vagouri Babigoù Breizh d'e c'hwec'hvet miz. Degemeret eo bet evel e oa : roet e veze bronn dezhañ, gallet en deus kenderc'hel da evañ laezh e vamm. Roet e oa bet dezhañ en ur pod-bronnek gant ar skipailh. "
 
Tud Johann



Tañva ar brezhoneg
 
" Aozet zo bet abadennoù tañva ar brezhoneg gant ar skipailh evit deskiñ gerioù, un nebeud frazennoù, rimadelloù ha kanaouennoù. Buan hon eus gallet ober anaoudegezh gant familhoù all. Un dra vat eo evit gallet kemer kuzul an eil digant ar re all diwar-benn ar vugale yaouank hag en em sikour mar bez ezhomm.
Dre vras, tadoù ha mammoù ar vagouri ne gomzont ket brezhoneg ha dedennet int gant deskiñ abred un eil yezh ... "
 
Tud Lila
 
 
" Tad ha mamm ur plac'hig 3 bloaz omp ha ne oamp ket dedennet gant ar brezhoneg ken a oa bet kinniget dimp ur plas en ur vagouri divyezhek.
Pa oa bet disoc'h hor lure kentañ ma vefe bet lakaet diaes hor bugel (ha ni ivez !) gant ur yezh na vestronie ket omp bet kendrec'het buan gant an divyezhegezh kenkoulz evel gant al lec'h deus ar c'hentañ (...). Evit gwir, gant an niver bihan-tre a vugale er vagouri e c'hall ar skipailh degemer pep hini diouzh e bersonelezh (...) ; ar pezh zo bet talvoudus-bras en hon degouezh dibar ...
Gwall interesant eo ivez, ha ni tad ha mamm, en em gavout er memes stad evel hor bugel a-fed deskiñ ur yezh, hag anavout traoù nevez war un dro gantañ ... "
  
Tud Lylou-Mahé

 

www.babigoubreizh.bzh